Диоптра е приказна за успех која ја започнав во 1993 година, во време на војна, ембарга и неизвесност. Иако имав планови за заминување во странство, одлучив да останам и да создадам нешто свое. Со многу љубов, посветеност и визија, успеав Диоптра да ја изградиме во водечки бренд во оптичката индустрија, не само во Македонија, туку и во регионот.

Од првиот салон, секоја нова локација носеше нова приказна и предизвик. Вложувавме во најсовремена опрема, врвен кадар и ги следевме светските трендови. Денес, со пет салони, меѓу кои и Dioptra Couture Marriott - една од најубавите оптики во светот, можам со гордост да кажам дека поставивме нови стандарди на пазарот.

Во Диоптра отсекогаш сме се стремеле да понудиме највисок квалитет и индивидуализиран пристап. Единствени сме во Македонија каде што користиме најсовремена технологија за анализа на видното однесување и мерење на диспаритетот на очите. Со оваа технологија можеме прецизно да утврдиме како Вашите очи функционираат заедно, како ги поместувате при гледањето и на која далечина најчесто читате. Сето ова ни овозможува да создадеме персонализирани оптички леќи кои обезбедуваат најголемо видно поле и максимален комфор при носење.

Мојата цел отсекогаш била да донесам иновации – од првите персонализирани очила и индивидуални оптички леќи до врвната опрема за дијагностика. Верувам дека успехот доаѓа со постојано учење, професионалност и силен тим. Одлучноста да бидеме први, без разлика на околностите, нè направи препознатливи по квалитет, иновации и врвна услуга.